શેરબજારમાં 4 વર્ષનો સૌથી મોટો કડાકો, રોકાણકારોના 17 લાખ કરોડ સ્વાહા, નિફ્ટી 2.69 ટકા તો સેન્સેક્સ 2.79 ટકા સુધી ઘટ્યા...

USની મંદીનો માર હવે વૈશ્વિકની સાથે ભારતમાં પણ દેખાયો છે. ટ્રેડિંગ સપ્તાહનો પહેલો દિવસ Indian Share Market માટે 'બ્લેક મન્ડે' જેવો દેખાઈ રહ્યો છે. બજાર ખુલતાની સાથે જ ભારતીય શેરબજારમાં ઘટાડાની મોટી ત્સુનામી આવી અને Sensex Nifty Down સેન્સેક્સ નિફ્ટી કડાકાભેર ભો ભેગા થયા છે. માર્ચ 2020 પછી  એટલે કે કોરોના બાદના 4 વર્ષમાં શેરબજારનો આ સૌથી મોટો ઘટાડો છે, જ્યાં રોકાણકારોને રૂ. 17 લાખ કરોડનું નુકસાન થયું છે. આજે બજારનો ઘટાડો વૈશ્વિક બજારોમાં ઘટાડાને કારણે છે. અમેરિકન બજારોમાં ભારે ઘટાડાથી સ્થાનિક શેરબજારો ખુલી ગયા છે. બેન્ક નિફ્ટી 650થી વધુ પોઈન્ટના ઘટાડા સાથે ખુલ્યો હતો અને શરૂઆતની મિનિટોમાં જ 800 પોઈન્ટ ઘટીને 50560 થઈ ગયો હતો. સેન્સેક્સ 2500 પોઈન્ટથી વધુ તૂટ્યો છે.

► બજાર ખુલતા જ શેરબજાર ધડામ દઈને પડ્યું

સોમવારે ખુલતાની સાથે જ બજાર તૂટી ગયું હતું. જ્યારે બીએસઈનો 30 શેરનો સેન્સેક્સ સોમવારે તેના અગાઉના બંધની સરખામણીમાં 1200 પોઈન્ટના ઘટાડા સાથે 79,700.77 પર ખુલ્યો હતો, તો નેશનલ સ્ટોક એક્સચેન્જનો નિફ્ટી-50 પણ 424 પોઈન્ટના ઘટાડા સાથે કારોબાર શરૂ કર્યો હતો. અગાઉ ગયા શુક્રવારે ભારતીય શેરબજારમાં સુનામી જેવું દ્રશ્ય જોવા મળ્યું હતું. શુક્રવારે સેન્સેક્સ 885.60 પોઈન્ટ ઘટીને 80,981.95 પોઈન્ટ પર બંધ થયો હતો. જ્યારે નિફ્ટી 50ની વાત કરીએ તો તે 293.20 પોઈન્ટ ઘટીને 24,717.70ના સ્તરે બંધ રહ્યો હતો.

► હવે આગળ શું?

માર્કેટ એક્સપર્ટનું કહેવું છે કે જો ચૂંટણી પરિણામોના દિવસને બાકાત રાખવામાં આવે તો માર્ચ 2020નો આ સૌથી મોટો ઘટાડો છે. તેમના જણાવ્યા અનુસાર, કોવિડ પછી, દરેકને લાગ્યું કે બજારમાં સૌથી વધુ પૈસા કમાઈ શકાય છે, તેથી બધાએ તેમાં રોકાણ કરવાનું શરૂ કર્યું હવે બજારે બતાવ્યું છે કે બજાર સર્વોચ્ચ છે. બજારથી મોટું કોઈ નથી. તેમના મતે 2-3 દિવસમાં કરેક્શન જોવા મળી શકે છે. આવી સ્થિતિમાં રોકાણકારો પાસે રાહ જોવા સિવાય કોઈ વિકલ્પ નથી.

► અમેરિકામાં મંદીના કારણે બજાર તૂટ્યું

શેરબજારમાં આવેલી સુનામીના કારણે અમેરિકામાં મેન્યુફેક્ચરિંગ PMI ડેટામાં મોટો ઘટાડો થયો છે, જે સંકેત આપી રહ્યું છે કે અમેરિકામાં મંદી આવી શકે છે. આ ઉપરાંત, બેરોજગારોની સંખ્યામાં પણ રેકોર્ડ વધારો થયો છે, જેની સીધી અસર અમેરિકન બજાર પર પડી છે. તે જ સમયે, આઇટી સેક્ટરમાં છટણીની જાહેરાતને કારણે સંકટ વધુ ઘેરી બન્યું છે, જેના કારણે વૈશ્વિક આઇટી ક્ષેત્ર પણ ભારે દબાણ હેઠળ છે. અમેરિકામાં બેરોજગારીનો દર 4.3 ટકા પર પહોંચી ગયો છે. ઓક્ટોબર 2021 પછી અમેરિકામાં બેરોજગારીનો આ સૌથી મોટો આંકડો છે. બેરોજગારીના દરમાં થયેલો આ વધારો બજારની ધારણા કરતા વધારે છે અને તેના કારણે ફરી એક વખત મંદીનો ભય વધી ગયો છે. વિશ્લેષકો માને છે કે બેરોજગારીમાં થયેલો જંગી વધારો આગામી મંદીનો સંકેત છે. આજે સવારે 7 વાગ્યે ડાઉ જોન્સ ઈન્ડસ્ટ્રીયલ એવરેજના ફ્યુચર્સ 375 પોઈન્ટ (આશરે 1 ટકા) કરતા વધુ ડાઉન હતા. આ પહેલા શુક્રવારે ડાઉ જોન્સ ઈન્ડસ્ટ્રીયલ એવરેજ 610.71 પોઈન્ટ અથવા 1.51 ટકા ઘટી હતી. જ્યારે S&P 500 ઇન્ડેક્સ 1.84 ટકાના નુકસાનમાં હતો અને ટેક સ્ટોક ફોકસ્ડ ઇન્ડેક્સ Nasdaq Composite 2.43 ટકાના નુકસાનમાં હતો.

► બેન્ક ઓફ જાપાને વ્યાજદરમાં વધારો કર્યો

આ સિવાય બેન્ક ઓફ જાપાને વ્યાજદરમાં વધારો કર્યો છે જેના કારણે જાપાનના શેરબજારમાં પણ ઘટાડો થયો છે. તે જ સમયે, હમાસ ચીફની હત્યા પછી, મધ્ય પૂર્વમાં તણાવ વધી રહ્યો છે, જેના કારણે ઈરાન અને ઈઝરાયેલ વચ્ચે યુદ્ધનો ભય વધુ ઘેરો બન્યો છે. આ પરિબળ વૈશ્વિક બજાર પર પણ અસર કરી રહ્યું છે, જેની અસર શેરબજાર પર જોવા મળી રહી છે.જાપાન 12 ટકા અને કોરીયાનું સ્ટોક માર્કેટ 9 ટકા ઘટાડો નોંધાયો છે.

► રોકાણકારોને રૂ. 17લાખ કરોડનું નુકસાન થયું

આજે બજારના આ ઘટાડામાં BSE પર લિસ્ટેડ કંપનીઓના માર્કેટ કેપમાં રૂ. 16 લાખ કરોડનો ઘટાડો થયો છે, એટલે કે બજાર ખુલતાની સાથે જ રોકાણકારોની સંપત્તિમાં રૂ. 17 લાખ કરોડનો ઘટાડો થયો છે, કારણ કે BSEનું માર્કેટ કેપ ઘટીને રૂ. 444.35 લાખ કરોડ થયું છે. શુક્રવારે, BSEનું માર્કેટ કેપ 457.21 લાખ કરોડ રૂપિયા હતું, આજે એટલે કે 5 ઓગસ્ટ 2024ના રોજ બજાર ખુલતાની સાથે જ તે 4,47,64,692.65 કરોડ રૂપિયા પર આવી ગયું. મતલબ કે રોકાણકારોની મૂડીમાં રૂ. 17 લાખ કરોડથી વધુનો ઘટાડો થયો છે.

અમેરિકામાં મંદીના ભણકારા , સેન્સેક્સ 2,500 પોઈન્ટથી વધુ તૂટ્યો , indian Stock Market Crash , Sensex And Nifty 3 percentage Down , Share Market Crash ,  Sensex Down 2500 Points